2 жніўня 2024 года ў Нацыянальным Прэс-цэнтры Рэспублікі Беларусь адбылася прэс-канферэнцыя на тэму "Павышэнне філалагічнай культуры беларускага грамадства».
У якасці спікераў на прэс-канферэнцыі выступілі: дырэктар Інстытута літаратуразнаўства імя Янкі Купалы Цэнтра даследаванняў беларускай культуры, мовы і літаратуры НАН Беларусі, Іван Саверчанка, дырэктар Інстытута мовазнаўства імя Якуба Коласа Цэнтра даследаванняў беларускай культуры, мовы і літаратуры НАН Беларусі, Ігар Капылоў, загадчык аддзела тэксталогіі Інстытута літаратуразнаўства імя Янкі Купалы Алена Васілевіч.
Навукоўцы прадставілі найважнейшыя праекты, якія спрыяюць павышэнню філалагічнай культуры беларускага грамадства і паляпшэнню філалагічнай сітуацыі ў краіне, адказалі на шматлікія пытанні журналістаў.