Прэс-канферэнцыя XVIII Міжнароднага маладзёжнага тэатральнага форуму «М.@rt.контакт» адбылася 20 сакавіка 2025 года перад цырымоніяй урачыстага адкрыцця.

Удзел у ёй прынялі намеснік старшыні аблвыканкама, сустаршыня аргкамітэта форуму Алег Стэльмашок, намеснік начальніка ўпраўлення прафесійнага мастацтва галоўнага ўпраўлення дзяржаўных спецыяльных культурных мерапрыемстваў і прафесійнага мастацтва Міністэрства культуры Таццяна Пархамовіч, начальнік упраўлення культуры аблвыканкама, член аргкамітэта форуму Аляксандр Жыгун, намеснік дырэктара Магілёўскага абласнога драматычнага тэатра Вераніка Юргелас, старшыня экспертнага савета форуму, загадчык аддзела тэатральнага мастацтва Інстытута мастацтвазнаўства, этнаграфіі і фальклору імя Кандрата Крапівы Цэнтра даследаванняў беларускай культуры, мовы і літаратуры НАН Беларусі Вераніка Ярмалінская, прадстаўнік маладзёжнага журы форуму, тэатразнаўца, тэатральны крытык, студэнтка магістратуры тэатразнаўчага факультэта Расійскага інстытут тэатральнага мастацтва (ГІТІС) Лізавета Баравікова, прадстаўнікі рэспубліканскіх і рэгіянальных СМІ, блогеры і студэнты МДУ імя А. А. Куляшова.

Вераніка Ярмалінская адзначыла высокую цікавасць да таго, што адбываецца на тэатральных пляцоўках форуму: «Беларусь – адкрытая краіна, дзяржава падтрымлівала і падтрымлівае фестывальны рух, разумеючы, наколькі ён важны для развіцця тэатральнага мастацтва, для развіцця і кансалідацыі нашага грамадства, – падкрэсліла яна. – З году ў год цікавасць да тэатральных фестываляў у Беларусі ўмацоўваецца. Вельмі важна для нас падтрымліваць фестывальны рух як кірунак тэатральнага мастацтва. Тут збіраюцца аднадумцы, сябры, тыя, хто хоча падзяліцца сваімі новымі формамі, новымі поглядамі, новымі дасягненнямі. У той жа час для нас значна, якія тэатральныя тэмы падтрымліваюцца на гэтых мерапрыемствах – высокамаральныя, гуманітарныя вельмі важныя для нас».

Тэкст і фота з сайта: Магілёўскі абласны выканаўчы камітэт