На платформе Цэнтральнай навуковай бібліятэкі імя Якуба Коласа Нацыянальнай акадэміі навук Беларусі прайшоў семінар “Пад знакам Перамогі: асобы, архівы, дакументальныя сведчанні”, прысвечаны 80-годдзю Перамогі ў Вялікай Айчыннай вайне, ‒ сумеснае мерапрыемства акадэмічнай бібліятэкі і навукова-метадычнага часопіса “Роднае слова”.

У сваім пленарным выступленні Ігар Лявонавіч Капылоў, дырэктар Інстытута мовазнаўства імя Якуба Коласа Цэнтра даследаванняў беларускай культуры, мовы і літаратуры НАН Беларусі, падрабязна спыніўся на тэме былых супрацоўнікаў установы – удзельнікаў Вялікай Айчыннай вайны, падмацаваў сваё выступленне відэапрэзентацыяй.

Эмацыянальным і факталагічна багатым было выступленне Веранікі Мікалаеўны Курцовай, загадчыка аддзела дыялекталогіі і лінгвагеаграфіі Інстытута мовазнаўства імя Якуба Коласа Цэнтра даследаванняў беларускай культуры, мовы і літаратуры НАН Беларусі ‒ “Дыялектныя тэксты як комплексная навукова-інфармацыйная крыніца пра падзеі ваеннага часу”.

Тэкст і фота з сайта: Цэнтральная навуковая бібліятэка імя Якуба Коласа НАН Беларусі