30 жніўня 2025 года прафсаюзны камітэт Цэнтра даследаванняў беларускай культуры, мовы і літаратуры арганізаваў займальную і пазнавальную экскурсію па маршруце Ілава – Глыбокае – Верхнядзвінск (з наведваннем Верхнядзвінскага масласырзавода).

Супрацоўнікі Цэнтра змаглі не толькі ўбачыць былое ўладанне памешчыка Акушко (цяпер Ілаўскі плодакансервны завод), прагуляцца па вулачках Глыбокага — вішнёвай сталіцы Беларусі, але і прадэгуставаць цудоўныя сыры, створаныя работнікамі Верхнядзвінскага масласырзавода.