20 сакавіка 2025 г. у малой зале кінатэатра «Піянер» (г. Мінск) адбылася тэматычная сустрэча «Вытокі беларускага кіно. Архівы», прысвечаная юбілеям заснавальнікаў беларускага кіно – Ю. В. Тарыча і У. У. Корш-Сабліна.

Спікеры круглага стала — загадчык аддзела экранных мастацтваў Інстытута мастацтвазнаўства, этнаграфіі і фальклору імя Кандрата Крапівы Цэнтра даследаванняў беларускай культуры, мовы і літаратуры НАН Беларусі кандыдат мастацтвазнаўства, дацэнт А.А. Карпілава і член Прэзідыума Беларускага саюза кінематаграфістаў В. А. Сцяпанава падзяліліся ўспамінамі і думкамі аб асаблівасцях развіцця беларускага кіно, актуальнасці супрацоўніцтва даследчыкаў, кінематаграфістаў і педагогаў з архівамі, у прыватнасці з БДАМЛМ.  Дакументальны фільм «Трэст, які не лопнуў», прысвечаны стагоддзю беларускага кіно, завяршыў мерапрыемства.

Тэкст і фота з сайта: Беларускі дзяржаўны архіў-музей літаратуры і мастацтва