Навуковае перыядычнае выданне прысвечана актуальным пытанням беларускага і сусветнага нарадазнаўства. У зборніку разглядаюцца пытанні гісторыі этнаграфічных і этналагічных даследаванняў у Беларусі ў ХХ і ХХІ стагоддзях; праблемы матэрыяльнай, духоўнай і сацыяльнай культуры насельніцтва Беларусі і беларускай дыяспары; асаблівасці абрадавай культуры насельніцтва Беларусі і іншых краін, этнаканфесійныя працэсы і культура этнічных супольнасцей на тэрыторыі Беларусі; асаблівасці этнакультурных працэсаў гісторыка-этнаграфічных рэгіёнаў краіны. Таксама размешчаны артыкулы ў рубрыцы, прысвечанай юбілеям навукоўцаў і юбілейным падзеям.

Разлічаны на этнографаў, этнолагаў, антраполагаў, гісторыкаў, краязнаўцаў, выкладчыкаў, аспірантаў, магістрантаў, студэнтаў.

Выданне ўключана ў Пералік выданняў ВАК Беларусі для апублікавання вынікаў дысертацый па кірунку этнаграфія, этналогія і антрапалогія гістарычнай галіны навукі.

Рэдакцыйная калегія:

Аляксандра Уладзіміраўна Гурко (галоўны рэдактар), доктар гістарычных навук, дацэнт,

Вадзім Віктаравіч Шэйбак (адказны сакратар), кандыдат гістарычных навук, дацэнт,

Валянціна Мікалаеўна Бялявіна, кандыдат гістарычных навук,

Рэгіна Антонаўна Грыгор’ева, кандыдат гістарычных навук (Расія),

Аляксандр Віктаравіч Гурко, доктар гістарычных навук, прафесар,

Галіна Іванаўна Каспяровіч, доктар гістарычных навук, дацэнт,

Елізавета Мікалаеўна Квілінкова, доктар гістарычных навук, дацэнт,

Таццяна Іванаўна Кухаронак, кандыдат гістарычных навук, дацэнт,

Марына Юр’еўна Мартынава, доктар гістарычных навук, прафесар (Расія),

Вольга Уладзіміраўна Марфіна, кандыдат гістарычных навук, дацэнт,

Тадэвуш Антонавіч Навагродскі, доктар гістарычных навук, прафесар,

Любоў Васільеўна Ракава, доктар гістарычных навук,

Ганна Іванаўна Цяпкова, кандыдат гістарычных навук, дацэнт,

Шаўчэнка Яна Сяргееўна, кандыдат гістарычных навук

1. Рэдакцыйная калегія прымае да разгляду матэрыялы, што адпавядаюць патрабаванням, якія прад’яўляе да навуковых артыкулаў Вышэйшая атэстацыйная камісія Рэспублікі Беларусь (далей – ВАК Рэспублікі Беларусь).
2. За прадстаўленне ў рэдакцыю ўжо раней апублікаваных або прынятых да друку іншымі выданнямі артыкулаў адказнасць нясуць аўтары.
3. За дакладнасць фактаў і цытат, пададзеных у артыкулах, адказнасць нясуць аўтары.
4. Аўтары разам з рукапісам навуковага артыкула прадстаўляюць выпіску з пратакола пасяджэння вучонай рады, аддзела, кафедры з месца працы з рэкамендацыяй артыкула да друку.
5. Дапускаецца замест выпіскі з пратакола прадставіць дзве рэцэнзіі – доктара і кандыдата навук, якія з’яўляюцца спецыялістамі ў той галіне ведаў, па якой зроблена даследаванне. Рэцэнзіі павінны ўтрымліваць рэкамендацыі артыкула да друку.
6. Для публікацый дакументальных крыніц, матэрыялаў інфармацыйнага характару і рэцэнзій рэкамендацыі да друку не патрабуюцца.
7. Рукапіс патрэбна заверыць подпісам аўтара, паставіць дату, а таксама ўказаць прозвішча, імя і імя па бацьку, месца працы, займаемую пасаду, вучоную ступень, званне, кантактныя тэлефоны (e-mail) для сувязі рэдакцыі з аўтарам. Разам з раздрукоўкай прадстаўляецца ідэнтычны электронны варыянт артыкула.
8. Артыкул забяспечваецца анатацыяй на беларускай (рэзюмэ) і/або рускай (резюме), а таксама англійскай (summary) мовах памерам 100–150 слоў.
9. Аб’ём навуковага артыкула – не менш за 14 тыс. і не больш за 40 тыс. знакаў (з прабеламі); аб’ём публікацыі дакументальных крыніц – да 40 тыс. знакаў. Раздрукоўка артыкула выконваецца шрыфтам Times New Roman, кеглем у 14 пунктаў, праз 1,5 інтэрвала паміж радкамі. Памеры палёў: верхняе і ніжняе – па 2,0 см, левае – 3,0, правае – 1,5 см.
10. Ілюстрацыйны матэрыял падаецца ў фармаце JPEG або TIF (не больш за пяць ілюстрацый).
11. Бібліяграфічныя спасылкі даюцца адпаведна згадванню па тэксце і афармляюцца згодна з загадам ВАК Рэспублікі Беларусь ад 25.06.2014 № 159 (у рэдакцыі загада ВАК Рэспублікі Беларусь ад 01.10.2024 № 230).
12. Тэрмін падачы артыкулаў – да 31 кастрычніка бягучага года. Пасля гэтай даты матэрыялы прымаюцца для публікацыі ў наступны выпуск зборніка.
13. Рэдакцыя зборніка не ўтрымлівае плату з аўтара за публікацыю навуковых артыкулаў і не выплачвае аўтарскі ганарар.