20-21 мая 2025 года Нацыянальная акадэмія навук Беларусі, Цэнтр даследаванняў беларускай культуры, мовы і літаратуры НАН Беларусі, Інстытут літаратуразнаўства імя Янкі Купалы, Інстытут мовазнаўства імя Якуба Коласа праводзяць Міжнародную навуковую канферэнцыю “Еўразійская гуманітарная прастора”..
Праблемна-тэматычныя напрамкі канферэнцыі:
- Гуманітарныя дысцыпліны ў сацыякультурных трансфармацыях ХХІ ст.: навуковыя і адукацыйныя абмены.
- Нацыянальныя літаратуры ва ўмовах глабалізацыі: ідэі, канцэпцыі, перспектывы развіцця.
- Сусветныя інтэграцыйныя працэсы і нацыянальная ідэнтычнасць у сучаснай літаратуры.
- Стратэгіі захавання кніжнай і моўнай культуры ў кантэксце гуманітарнай бяспекі.
- Актуальныя праблемы тэарэтычнага літаратуразнаўства, гісторыі літаратуры, тэксталогіі ў сумесных інавацыйных праектах.
- Новыя падыходы і тэхналогіі даследаванняў дыялекталогіі.
- Шляхі ўдасканалення, новыя тэорыі і метадалогіі сучасных філалагічных даследаванняў.
- Супастаўляльнае даследаванне блізкароднасных моў: сінхранічны і дыяхранічны аспекты.
- Нацыянальная пісьмовая спадчына: вывучэнне, захаванне, папулярызацыя.
- Сучасная лексікалогія і лексікаграфія: актуальныя праблемы і тэндэнцыі развіцця.
Урачыстае адкрыццё канферэнцыі адбудзецца 20 мая 2025 года ў 10.00 у Цэнтры даследаванняў беларускай культуры, мовы і літаратуры НАН Беларусі (г. Мінск, вул. Сурганава, 1, корп. 2, аўд. 302).
Запрашаюцца ўсе жадаючыя!
