Нарадзілася ў вёсцы Каралёў Стан Мінскага раёна.

У 1993 г. скончыла з адзнакай Мінскае педагагічнае вучылішча № 2 па спецыяльнасці “Выкладанне ў пачатковых класах”, у 1998 г. – факультэт беларускай філалогіі і культуры БДПУ імя Максіма Танка па спецыяльнасці “Беларуская мова і літаратура, сусветная і айчынная культура” (дыплом з адзнакай), у 1999 г. – магістратуру па спецыяльнасці “Беларуская мова”.

У 1999–2001 гг. – выкладчык-стажор кафедры беларускай мовы факультэта беларускай філалогіі і культуры БДПУ імя Максіма Танка.

У 2004 г. скончыла аспірантуру Інстытута мовазнаўства імя Якуба Коласа НАН Беларусі.

З 2004 па 2015 г. працавала ў аддзеле сучаснай беларускай літаратурнай мовы Інстытута мовазнаўства НАН Беларусі на пасадзе малодшага навуковага супрацоўніка.

З 2015 па 2018 г. выкладала ў сярэднеадукацыйных школах г. Мінска і г. Масквы.

З 2018 г.працуе ў аддзеле дыялекталогіі і лінгвагеаграфіі Інстытута мовазнаўства НАН Беларусі на пасадзе малодшага навуковага супрацоўніка, з 2025 г. — навуковага супрацоўніка.

З’яўляецца адным з выканаўцаў планавай тэмы аддзела «Лексічная сістэма беларускай дыялектнай мовы і яе развіццё ў ХІХ–ХХІ стст.: “Зводны слоўнік беларускіх народных гаворак”» у межах задання “Фундаментальная беларуская лексікаграфія: апісанне лексічнай сістэмы нацыянальнай мовы і дынамікі яе развіцця”, якая ўключана ў дзяржаўную праграму фундаментальных даследаванняў “Эканоміка і гуманітарнае развіццё беларускага грамадства”.

У 2000–2001 гг. выкладала курс рускай мовы як замежнай на падрыхтоўчым аддзяленні факультэта міжнароднага супрацоўніцтва БНТУ.

У 2022 г. – старшы выкладчык кафедры медыялінгвістыкі і літаратурнага рэдагавання факультэта журналістыкі БДУ.