Сектар гісторыі беларускай літаратуры бярэ свой пачатак у 1952 г., калі ў Інстытуце літаратуры і мастацтва на базе літаратуразнаўчага сектара былі ўтвораны два сектары: сектар савецкай і сектар дарэвалюцыйнай літаратуры, які ў 1963 г. быў рэарганізаваны ў сектар дакастрычніцкай літаратуры і тэксталогіі, а ў 1992 г. ператвораны ў аддзел гісторыі старажытнай і новай беларускай літаратуры.

У выніку ўтварэння ў 2008 г. дзяржаўнай навуковай установы “Інстытут мовы і літаратуры імя Якуба Коласа і Янкі Купалы Нацыянальнай акадэміі навук Беларусі” аддзел гісторыі старажытнай і новай беларускай літаратуры быў ператвораны ў сектар гісторыі беларускай літаратуры і ўвайшоў у склад аддзела тэорыі і гісторыі літаратуры (Загад № 45 ад 21.05.2008 г.).