Рэдакцыя часопіса "Роднае слова", Літаратурны музей Максіма Багдановіча, Інстытут літаратуразнаўства імя Янкі Купалы Цэнтра даследаванняў беларускай культуры, мовы і літаратуры НАН Беларусі абвяшчаюць конкурс навукова-даследчых работ “Светлы след будзе вечна жывы”, прымеркаваны да 135-годдзя з дня нараджэння Максіма Багдановіча.

Пераможцы конкурсу будуць запрошаны да ўдзелу ў рабоце маладзёжнай секцыі Міжнароднай навукова-практычнай канферэнцыі "Прастора творчасці", якая адбудзецца ў лістападзе 2026 г. у Літаратурным музеі Максіма Багдановіча.

Да ўдзелу ў конкурсе запрашаюцца:

• вучні 9-11 класаў;
• навучэнцы каледжаў і тэхнікумаў;
• студэнты ВНУ.

Тэрмін:

• прыём работ — да 18 кастрычніка 2026 г.;
• экспертыза і вызначэнне пераможцаў – з 19 кастрычніка па 8 лістапада 2026 г.

Тэматыка работ:

• Максім Багдановіч: новае прачытанне літаратурнай класікі;
• Актуалізацыя творчасці Максіма Багдановіча ў маладзёжным асяроддзі;
• Напрамкі пошуку новых звестак пра Максіма Багдановіча;
• “І прад высокаю красою...”: жаночыя вобразы ў творчасці Максіма Багдановіча;
• Максім Багдановіч і вобразы яго твораў у сучаснай беларускай культуры;
• Штучны інтэлект як інструмент даследавання і папулярызацыі беларускай літаратуры;
• Мой ідэальны літаратурны музей.

Навукова-даследчыя работы і заяўкі на конкурс абавязкова дасылаюцца як у папяровым, так і ў электронным выглядзе. Папяровы варыянт з пазнакай "На конкурс" дасылаецца на адрас: 220035, г. Мінск, пр. Пераможцаў, 47, корп. 1, пад'езд 2, рэдакцыя часопіса "Роднае слова"; электронны варыянт — на e-mail : rs-konkurs@yandex.by.

Больш падрабязна — у Палажэнні конкурсу на сайце часопіса: rod-slova.by.