Анонс круглага стала, прысвечанага 100-годдзю з дня нараджэння беларускага этнографа Леаніда Іосіфавіча Мінько, арганізаванага ў рамках тэарэтыка-метадалагічнага семінара "Праблемы сучаснай беларускай этналогіі".

9 лістапада 2026 года ў 11.00 у дзяржаўнай навуковай установе "Цэнтр даследаванняў беларускай культуры, мовы і літаратуры Нацыянальнай акадэміі навук Беларусі" (вул. Сурганава, д. 1, корп. 2, п. 302) адбудзецца круглы стол, прысвечаны юбілею Леаніда Іосіфавіча Мінько – вядомага вучонага-этнографа, удзельніка Вялікай Айчыннай вайны.

У рамках круглага стала плануецца абмеркаванне этапаў жыццёвага шляху і асноўных дасягненняў кандыдата гістарычных навук Л.І. Мінько (1926–2012).

У мерапрыемстве прымуць удзел супрацоўнікі Цэнтра даследаванняў беларускай культуры, мовы і літаратуры Нацыянальнай акадэміі навук Беларусі, выкладчыкі Беларускага дзяржаўнага ўніверсітэта і запрошаныя госці, у іх ліку – выкладчыкі Беларускага дзяржаўнага ўніверсітэта, сваякі Леаніда Іосіфавіча Мінько.

Мадэратарам круглага стала выступіць Аляксандра Уладзіміраўна Гурко, загадчык аддзела нарадазнаўства Інстытута мастацтвазнаўства, этнаграфіі і фальклору імя Кандрата Крапівы, доктар гістарычных навук, дацэнт.