24 лістапада 2025 года ў Валгаградскім дзяржаўным універсітэце адбылася Усерасійская навуковая канферэнцыя (з міжнародным удзелам) «Баркоўскія чытанні», прысвечаная 125-годдзю з дня нараджэння акадэміка Віктара Іванавіча Баркоўскага – выдатнага савецкага славіста, гісторыка мовы, аўтара фундаментальных прац у галіне сінтаксісу ўсходнеславянскіх моў і дыялектаў, першага даследчыка наўгародскіх берасцяных грамат.

Геаграфія мерапрыемства аказалася вельмі значнай. Канферэнцыя аб'яднала звыш 70 удзельнікаў з Расіі, краін бліжняга і далёкага замежжа. На пленарным і секцыйных пасяджэннях з дакладамі выступілі вядучыя навуковыя супрацоўнікі ІРМ (Інстытута рускай мовы) РАН, НАН Беларусі, вядомыя лінгвісты і маладыя даследчыкі з Азербайджана, Балгарыі, Беларусі, Індыі, Ірака, Малдовы, Кітая, Расіі, Сербіі.

Кандыдат філалагічных навук вядучы навуковы супрацоўнік аддзела беларуска-рускіх моўных сувязей Інстытута мовазнаўства імя Якуба Коласа Цэнтра даследаванняў беларускай культуры, мовы І літаратуры НАН Беларусі Вольга Міхайлаўна Нікалаева: «Для меня было честью участвовать в конференции (в некоторых письмах Виктор Иванович пишет также и обо мне), кроме того, свой доклад я считаю данью памяти моего отца, Михаила Гапеевича Булахова, который очень дорожил дружбой с Виктором Ивановичем Борковским, великим ученым и замечательным человеком».

Тэкст і фота з сайта: Волгоградский государственный университет. Дзен