Госці радыё «Культура» – прадстаўнікі Цэнтра даследаванняў беларускай культуры, мовы і літаратуры НАН Беларусі – загадчык аддзела беларускай літаратуры ХХ і ХХІ стст. Інстытута літаратуразнаўства імя Янкі Купалы кандыдат філалагічных навук Алесь Бараноўскі і дырэктар Інстытута мовазнаўства імя Якуба Коласа кандыдат філалагічных навук Ігар Капылоў.

Тэмы размовы:

• Кандрат Крапіва – постаць, што не змяшчаецца ў рамкі. Як у адной асобе змаглі суіснаваць востры сатырык, драматург і сур’ёзны вучоны-лінгвіст;
• «Брама неўміручасці»: неўміручасць у творчасці Крапівы – гэта выпадковая метафара ці глыбокая філасофская аснова канфлікту;
• новыя знаходкі ў даследаванні жыцця і творчасці пісьменніка;
• чаму творца так актыўна выступаў супраць вузкіх рамак у мастацтве і як гэта паўплывала на развіццё беларускай літаратуры;
• праца над новым слоўнікам – найлепшы спосаб ушанаваць памяць пісьменніка.