Круглы стол «Славістыка. Этналінгвістыка. Этымалогія» адбыўся 17 лютага 2026 года.

Навуковае мерапрыемства было арганізавана аддзелам славістыкі і тэорыі мовы Інстытута мовазнаўства імя Якуба Коласа Цэнтра даследаванняў беларускай культуры, мовы і літаратуры НАН Беларусі.

Круглы стол прайшоў з удзелам вучоных Акадэміі навук, выкладчыкаў і студэнтаў ВНУ і быў накіраваны на прафесійную арыентацыю студэнтаў, падтрымку іх цікавасці да навуковых даследаванняў.

Такі фармат навуковай сустрэчы аказаўся надзвычай удалым для знаёмства з патэнцыяльнымі маладымі навукоўцамі, якія з цягам часу маглі б працягнуць даследаванні ў галіне славістыкі і этналінгвістыкі.