Паважаныя калегі!

Запрашаем вас на адкрыццё міжнароднай выставы «Память нашей Победы», прысвечанай 80-годдзю перамогі савецкага народа ў Вялікай Айчыннай вайне, якое адбудзецца 5 мая 2025 года ў 15:00 у галерэі «Второй этаж» па адрасе: г. Мінск, вул. Сурганава, 1, корпус 1.

На выставе прадстаўлены работы беларускіх і расійскіх мастакоў, прысвечаныя Вялікай Айчыннай вайне, перамозе ў ёй савецкага народа, сучаснаму асэнсаванню нашага гераічнага мінулага. У выставе прымаюць удзел члены студыі ваенных мастакоў Цэнтральнага Дома афіцэраў Узброеных Сіл Рэспублікі Беларусь г. Мінска, жывапісцы, графікі і скульптары Пятроўскай акадэміі навук і мастацтваў Санкт-Пецярбурга, Цверы: заслужаны дзеяч мастацтваў Рэспублікі Беларусь У. В. Уродніч, ганаровы член Расійскай акадэміі мастацтваў С. М. Барысаў, народны мастак Расійскай Федэрацыі Л. Г. Юга, член Саюза мастакоў Санкт-Пецярбурга А.С. Крыванос, жывапісцы і графікі А. Рындзіна, Ф. Фядзюнін, У. Сямёнаў і іншыя.

Выстава арганізавана аддзелам старажытнабеларускай культуры Інстытута мастацтвазнаўства, этнаграфіі і фальклору імя Кандрата Крапівы Цэнтра даследаванняў беларускай культуры, мовы і літаратуры Нацыянальнай акадэміі навук Беларусі пры падтрымцы Грамадскай палаты г. Цверы і Расійскага клуба праваслаўных мецэнатаў.

 —
 Кір'янава Вольга Анатольеўна
 галоўны захавальнік
 Цэнтр даследаванняў беларускай культуры,
 мовы і літаратуры НАН Беларусі
 тэл.:+375(17)270-27-32