У адпаведнасці з Палажэннем аб стыпендыях Прэзідэнта Рэспублікі Беларусь таленавітым маладым вучоным, зацверджаным Указам Прэзідэнта Рэспублікі Беларусь 5 сакавіка 2026 г. № 84 «Аб удасканаленні падыходаў да аказання дзяржаўнай падтрымкі», праводзіцца рэспубліканскі конкурс для назначэння стыпендый Прэзідэнта Рэспублікі Беларусь таленавітым маладым вучоным на 2027 год.
Для ўдзелу ў конкурсе вылучаюцца кандыдатуры дактароў навук ва ўзросце да 45 гадоў, кандыдатаў навук – да 35 гадоў, вучоных без ступені – да 30 гадоў (па стане на 1 студзеня 2026 г.), якія дасягнулі найлепшых вынікаў у навуковай, навукова-тэхнічнай, інавацыйнай дзейнасці. Пры вылучэнні кандыдатур маладых вучоных для ўдзелу ў конкурсе ўлічваюцца іх дасягненні ў прыярытэтных напрамках навуковай, навукова-тэхнічнай і інавацыйнай дзейнасці, уклад у сацыяльна-эканамічнае развіццё Рэспублікі Беларусь.
Дакументы саіскальнікаў, аформленыя ў адпаведнасці з устаноўленымі правіламі, прадстаўляюцца ў наступным парадку:
да 20 мая 2026 г. электронная версія заявачных матэрыялаў накіроўваецца на адрас olga@presidium.bas-net.by для папярэдняга азнаямлення і ўстаранення заўваг;
да 1 чэрвеня 2026 г. дакументы, падпісаныя кіраўніком арганізацыі і аформленыя ў папку-скорасшывальнік, накіроўваюцца ва ўпраўленне прэмій, стыпендый і ўзнагарод Галоўнага ўпраўлення кадраў і кадравай палітыкі апарата НАН Беларусі на адрас: г. Мінск, пр. Незалежнасці, 66, каб. 317.
Больш падрабязна з інфармацыяй аб конкурсе і рэкамендацыямі па афармленні дакументаў можна азнаёміцца па спасылках ніжэй:
- Інфармацыя аб рэспубліканскім конкурсе для назначэння стыпендый Прэзідэнта Рэспублікі Беларусь таленавітым маладым вучоным на 2027 год
- Спіс кандыдатур, рэкамендаваных для назначэння стыпендыі Прэзідэнта Рэспублікі Беларусь таленавітым маладым вучоным на 2027 год
- Рэкамендацыі па афармленні асабістых спраў саіскальнікаў
- Інфармацыя па правядзенні незалежнай экспертызы
Тэкст з сайта: Нацыянальная акадэмія навук Беларусі
