Нарадзілася 10 кастрычніка 1994 г. у г. п. Старобін Салігорскага раёна Мінскай вобласці. У 2012 г. скончыла Старобінскую сярэднюю школу з залатым медалём, у 2017 г. — Беларускі дзяржаўны ўніверсітэт па спецыяльнасці «Беларуская філалогія (літаратурна-рэдакцыйная дзейнасць)» (дыплом з адзнакай).

У верасні 2022 г. пачала працаваць у «Інстытуце мовазнаўства імя Якуба Коласа» на пасадзе малодшага навуковага супрацоўніка аддзела сучаснай беларускай мовы.