17 красавіка 2025 года ў Цэнтры даследаванняў беларускай культуры, мовы і літаратуры адбылася Адзіны дзень інфармавання на тэму «Подвигу народа жить в веках».
Перад членамі інфармацыйна-прапагандысцкай групы і супрацоўнікамі выступіў дырэктар Цэнтра Аляксандр Іванавіч Лакотка, акадэмік, доктар гістарычных навук, доктар архітэктуры.
Асаблівая ўвага ў выступленні нададзена гераізму шматнацыянальнага савецкага народа ў часы Вялікай Айчыннай вайны, адзначаны трагічныя наступствы гэтай вайны для лёсу беларускага народа, значнасць захавання гістарычнай памяці і ўмацавання патрыятычных каштоўнасцяў у грамадстве з мэтай процідзеяння экстрэмізму і тэрарызму, рэабілітацыі нацызму.
А. І. Лакотка звярнуў увагу прысутных на тое, што фарміраванне гістарычнай пераемнасці, захаванне памяці аб вайне і гераізме беларускага народа замацавана ў Дырэктыве Прэзідэнта Рэспублікі Беларусь ад 9 красавіка 2025 г. № 12 "Аб рэалізацыі асноў беларускай дзяржавы", у якой адзначана, што "размяшчэнне на стыку дзвюх цывілізацый – паміж Усходам і Захадам – зрабіла жыццёва неабходным фарміраванне ў беларусаў такіх якасцяў, як стойкасць, мужнасць, рашучасць, самаадданасць", і пры гэтым "цэментуючай асновай сучаснага беларускага грамадства выступае памяць аб усенародным супраціве нацызму і гераічным подзвігу беларускага народа ў гады Вялікай Айчыннай вайны".
У Адзіным дні інфармавання прынялі ўдзел кіраўнікі ўсіх структурных падраздзяленняў цэнтра, загадчыкі аддзелаў (сектараў) Інстытута мастацтвазнаўства, этнаграфіі і фальклору імя К. Крапівы, Інстытута літаратуразнаўства імя Я. Купалы, Інстытута мовазнаўства імя Я. Коласа.
У межах Адзінага дня інфармавання ў Інстытуце мастацтвазнаўства, этнаграфіі і фальклору імя К. Крапівы адбылося пасяджэнне кіналекторыя "Экран і час" на тэму "Память бесценна: Мемориалы Великой Отечественной войны на экране (о сожженных деревнях на территории Беларуси)". Перад прысутнымі выступіла старшы навуковы супрацоўнік аддзела экранных мастацтваў, кандыдат мастацтвазнаўства, дацэнт Яўгенія Голікава-Пошка.
Падчас мерапрыемства дэманстраваліся і абмяркоўваліся фрагменты відэафільмаў, прысвечаных мемарыяльным комплексам на тэрыторыі Беларусі, створаным з мэтай захавання і ўвекавечання гістарычнай памяці аб падзеях Вялікай Айчыннай вайны.