Больш за 150 фільмаў, 41 краіна, 8 конкурсных праграм: Мінск гатовы сустракаць «Лістапад».

У абноўленым кінатэатры «Масква» 15 кастрычніка 2026 года адбылася прэс-канферэнцыя, прысвечаная XXXI Мінскаму міжнароднаму кінафестывалю «Лістапад». 

У рамках кінафестывалю пройдзе 8 конкурсных праграм: ігравога, неігравога, анімацыйнага кіно, фільмы для дзіцячай і юнацкай аўдыторыі «Лістападзік», «Кіно маладых», нацыянальных кінашкол, нацыянальны конкурс і конкурс кароткаметражных фільмаў.

Таксама ў праграме — Дні нацыянальнага кіно дзяржаў і назіральнікаў ЕАЭС. Фільмы будуць дэманстраваць у кінатэатрах «Перамога», «Мір», «Цэнтральны», «Піянер», «Беларусь» горада Мінска, а таксама ў рэгіёнах Беларусі. Працягнецца «Лістапад» да 7 лістапада.

Тэкст з сайта: News.by

У прэс-канферэнцыі прыняла ўдзел Белаокая Марына Аляксандраўна, старшы навуковы супрацоўнік аддзела экранных мастацтваў Інстытута мастацтвазнаўства, этнаграфіі і фальклору імя Кандрата Крапівы Цэнтра даследаванняў беларускай культуры, мовы і літаратуры НАН Беларусі, праграмны дырэктар асноўнага конкурсу неігравых фільмаў.

Конкурсная праграма неігравых фільмаў будзе прадстаўлена практычна ўсімі кантынентамі: Афрыка, Амерыка, Еўразія.

«У большасці сваёй гэта вельмі добрыя карціны пра тое, як людзі спрабуюць зрабіць свет вакол сябе лепш, дапамагаюць блізкім. Папулярнымі тэмамі сталі экалогія, этнічная разнастайнасць і мастацтва. Вельмі шмат фільмаў прысвечана жанчынам, іх нялёгкаму лёсу, сіле волі, захаванню традыцый. Работы конкурснай праграмы будуць прадстаўлены ў кінатэатры «Масква», расказала Марына Аляксандраўна.

Тэкст з сайта: Minsknews.by