19 лютага 2026 года ў Цэнтральнай навуковай бібліятэцы імя Якуба Коласа прайшоў Рэспубліканскі семінар «Слова, кніга, навука: прастора прафесійнага дыялогу».

Падчас сустрэчы вучоных-мовазнаўцаў і бібліятэкараў абмяркоўвалася роля бібліятэк як найважнейшай прасторы захавання, вывучэння і папулярызацыі моўнай спадчыны. Падчас дыялогу былі разгледжаны сучасныя напрамкі лінгвістычных даследаванняў, магчымасці выкарыстання бібліятэчных фондаў і электронных рэсурсаў у навуковай рабоце, а таксама перспектывы супрацоўніцтва бібліятэк і навуковай супольнасці. Асаблівая ўвага была ўдзелена пытанням захавання роднай мовы, развіццю моўнай культуры і сумесным асветніцкім ініцыятывам.

У семінары прынялі ўдзел прадстаўнікі бібліятэк розных рэгіёнаў краіны. Падчас сустрэчы Інстытутам мовазнаўства імя Якуба Коласа Цэнтра даследаванняў беларускай культуры, мовы і літаратуры НАН Беларусі было перададзена бібліятэкам унікальнае выданне «Лексічны атлас беларускіх народных гаворак».

Пасля мерапрыемства ўдзельнікі наведалі музейную экспазіцыю навуковай кнігі Цэнтральнай навуковай бібліятэкі імя Якуба Коласа Нацыянальнай акадэміі навук Беларусі.

На мерапрыемстве выступіла Музычная капэла Цэнтра даследаванняў беларускай культуры, мовы і літаратуры НАН Беларусі.