Аддзел музычнага мастацтва і этнамузыкалогіі – адзін з найстарэйшых у інстытуце. Яго дзейнасць узыходзіць сваімі каранямі да сектара мастацтвазнаўства створанага ў 1957 годзе Інстытута мастацтвазнаўства, этнаграфіі і фальклору імя Кандрата Крапівы. У якасці самастойнай структурнай адзінкі аддзел існуе з 1960 года і мае свае навуковыя традыцыі. Яго дзейнасць развівалася ў двух кірунках – фундаментальныя даследаванні прафесійнай музыкі і даследаванні народнай музычнай творчасці.