Карціна "Уваход Госпада ў Іерусалім" (палатно, алей, XVIII ст., 190х325 см. КП 364) паступіла з вёскі Чаравачыцы Кобрынскага раёна Брэсцкай вобласці.

 

Стан пры паступленні: карціна была часткова адрэстаўраваная, прадубліраваная на палатно, у месцах страт быў падведзены грунт і часткова выкананы пробныя таніроўкі акварэллю. Страта фарбавага слоя складала 1/3 ад агульнай плошчы карціны. У такім выглядзе карціна не мела экспазіцыйнага выгляду.

 

Было прынята рашэнне працягнуць таніроўкі ў месцах страты фарбавага слоя і зрабіць падвядзенне рэстаўрацыйнага грунту.

Таксама карціна знаходзілася на экспазіцыйным падрамніку. Даставіць яе ў майстэрню ў такім выглядзе не было магчымым з-за значных памераў. Было вырашана зняць палатно з падрамніку і перанесці асобна ў рэстаўрацыйную майстэрню. Палатно было змешчаны на рэстаўрацыйны стол па ўсёй плошчы.

 

З 25.11.2024 г. вядзецца праца па далейшай рэстаўрацыі: праводзіцца таніроўка ў месцах страт акварэльнымі фарбамі.