22 мая 2025 года ў Цэнтры даследаванняў беларускай культуры, мовы і літаратуры прайшла II навукова-практычная канферэнцыя маладых даследчыкаў «Навука і моладзь: актуальныя праблемы даследаванняў у XXI стагоддзі», арганізаваная Саветам маладых вучоных Цэнтра.

На канферэнцыі сабраліся маладыя вучоныя, каб абмеркаваць актуальныя пытанні, што стаяць перад навукай у сучасным свеце. Мерапрыемства прайшло ў фармаце трох секцый, кожная з якіх была прысвечана розным аспектам навуковых даследаванняў. Удзельнікі прадставілі свае даклады, дзяліліся вопытам і абмяркоўвалі выклікі, з якімі сутыкаецца моладзь у навуковай сферы. 

 

Усё прайшло плённа і цікава, што спрыяла актыўнаму абмену ідэямі і ўсталяванню новых кантактаў паміж маладымі спецыялістамі. Арганізатары спадзяюцца, што такія ініцыятывы будуць спрыяць развіццю навуковага патэнцыялу моладзі і ўмацаванню навуковай супольнасці ў Беларусі.