Ажыццяўляў кіраўніцтва і распрацоўку калектыўных навуковых заданняў: “Нацыянальныя тыпы ментальнасці ў беларускай і еўрапейскіх літаратурах: ідэйна-эстэтычная спецыфіка, стылявая эвалюцыя, перакладчыцкая інтэрпрэтацыя” (2011–2015), “Беларуска-еўрапейскія літаратурныя ўзаемасувязі і імагалогія: міфы, стэрэатыпы, рэальнасць” (2016–2020), «Беларуская літаратура ў сістэме еўрапейскага мастацка-стылявога дыскурсу: кантакты, тыпалогія, спецыфіка» (2021–2025), якія выконваліся ў рамках дзяржаўных праграм навуковых даследаванняў Рэспублікі Беларусь. Кіраваў выкананнем праектаў БРФФД: “Паэзія Заходняй Беларусі: мастацкія плыні і метады”, “Беларуская паэзія ў сістэме сучасных сацыякультурных працэсаў”, “Творчасць беларускіх паэтаў-святароў ХХ стагоддзя як духоўна-культурны феномен”, “Паэзія Заходняй Беларусі: анталогія”, “Гістарычная памяць народа: забытыя паэты Заходняй Беларусі (1921 – 1939)” і іншых.  

 

Узнагароды:
• Лаўрэат прэміі Гродзенскага аблвыканкама “За творчыя дасягненні ў галіне культуры і мастацтва ў 2000 годзе” (2001 г.).
• Пераможца Рэспубліканскага літаратурнага конкурсу “Лепшы твор 2012 года ў галіне публіцыстыкі “Залаты Купідон” (2013).
• Лаўрэат прэміі Нацыянальнай акадэміі навук Беларусі (сумесна з членам-карэспандэнтам НАН Беларусі М. І. Мушынскім і доктарам філалагічных навук Я. А. Гарадніцкім).
• Штомесячны грант Прэзідэнта Рэспублікі Беларусь у сферы навукі на 2024 год.

 

Апублікаваў каля 500 навуковых работ, у тым ліку 18 кніг і брашур.

 

Сфера навуковых зацікаўленняў: праблемы развіцця беларускай паэзіі ХХ – ХХІ стагоддзяў, рускамоўная літаратура Беларусі, параўнальнае літаратуразнаўства, беларуска-еўрапейскае літаратурнае ўзаемадзеянне, міждысцыплінарныя праблемы сувязей беларускай літаратуры з гісторыяй і нацыянальнай свядомасцю.