Нарадзілася 7 лютага 1973 г. у г. Мінску. У 1995 г. скончыла філалагічны факультэт Беларускага дзяржаўнага ўніверсітэта. У 1996–1999 гг. вучылася ў аспірантуры Інстытута мовазнаўства імя Якуба Коласа.

У Інстытуце мовазнаўства імя Якуба Коласа працуе з 1999 г.:

1999–2004 гг. – малодшы навуковы супрацоўнік аддзела гісторыі беларускай мовы;

2004–2006 гг. – навуковы супрацоўнік аддзела гісторыі беларускай мовы;

2006–2015 гг. – старшы навуковы супрацоўнік аддзела гісторыі беларускай мовы;

з 2015 г. – вядучы навуковы супрацоўнік аддзела гісторыі беларускай мовы.

Кандыдат філалагічных навук (у 2002 г. абараніла дысертацыю на тэму «Мова беларускага перакладу “Хронікі” М. Стрыйкоўскага пачатку XVII ст.»; навуковы кіраўнік – член-карэспандэнт НАН Беларусі, доктар філалагічных навук, прафесар А. М. Булыка).

Узнагароджана ордэнам Святой Прападобнай Еўфрасінні Полацкай (2014); Граматай Аддзялення гуманітарных навук і мастацтваў Нацыянальнай акадэміі навук Беларусі (2017), Падзякай Беларускай праваслаўнай царквы (2019), cпецыяльным знакам “Дзень Нацыянальнай акадэміі навук Беларусі” (2023).

Выбраныя публікацыі 

1. Лакальныя моўныя рысы ў «Жыціі Аўраамія Смаленскага» (па спісе XVII ст.) // Каб жыло наша Слова: зб. навук. арт. Брэст, 2009. С. 76–79.
2. Святое Евангеліе. Слуцк: у 2 кн. Мінск, 2009. Кн. 1: Узноўлены тэкст; кн. 2: Дас­ледаванне рукапісу (у суаўтарстве).
3. «Хроніка» Мацея Стрыйкоўскага (беларускі пераклад пачатку ХVІІ ст.) у святле беларуска-польскіх моўных кантактаў // Studia Białorutenistyczne. 2011. T. 5. S. 277–291.
4. Житие блаженной Евфросинии, игуме­нии Вседержителя Святого Спаса во граде Полоцке: в 2 кн. Минск, 2012. Кн. 2: Житие блаженной Евфросинии, игумении монастыря Вседержителя Святого Спаса во граде Полоцке [ц.-слав. текст, пер. на рус., белорус., англ. яз.] (у суаўтарстве).
5. Табакъ – уязвление; шабасъ – ящъ // Падручны гістарычны слоўнік субстантыўнай лексікі: у 2 т. Мінск, 2013. Т. 2. С. 359– 431; 478–507.
6. Баркалабаўскі летапіс. Мінск, 2013 (у суаўтарстве).
7. Букваръ сиречъ начало учения. Кн. 2: Узноўлены тэкст. Мінск, 2014 (у суаўтарстве).
8. Лексічныя розначытанні ў «Жыціі Еўфрасінні Полацкай» (па спісах рэдакцыі Зборнікаў змеша­нага складу і Вялікіх Міней Чэцціх мітрапаліта Макарыя) // Кніжная культура Беларусі XVI – сярэдзіны XVII ст.: да 440-годдзя выдавецкай дзейнасці Мамонічаў: матэрыялы Х Міжнар. кнігазнаўчых чытанняў. Мінск, 2014. С. 174–179.
9. Лексіка свецка-мастацкай пісьменнасці // Лексіка старабеларускай літаратурна-пісьмовай мовы XIV – сярэдзіны XVI ст. Мінск, 2016. С. 121–173.
10. І.В. Воўк-Левановіч як даследчык гісторыі беларускай мовы // Беларуская лінгвістыка. 2022. Вып. 89. С. 30–37.