30 чэрвеня 2026 года, Мінск /Кар. БЕЛТА/ Беларускія і расійскія вучоныя абмеркавалі развіццё гістарычнай прозы на Міжнародным круглым стале "Рускі і беларускі гістарычны канон прозы: эпохі, тэндэнцыі, імёны" ў Цэнтры даследаванняў беларускай культуры, мовы і літаратуры Нацыянальнай акадэміі навук Беларусі, перадае карэспандэнт БЕЛТА.

Для гістарычных твораў класічнага тыпу характэрны строгі канон са мноствам правілаў. Аўтары мадэрнісцкіх твораў, наадварот, адыходзяць ад стандартаў і прапануюць незвычайныя формы. Даследчыкі лічаць, што сёння гэты кірунак актыўна развіваецца. З'яўляецца шмат новых паджанраў, напрыклад, альтэрнатыўная гісторыя (фантастычныя творы, што паказваюць свет, у якім у ключавы гістарычны момант усё склалася інакш).

Дырэктар Цэнтра даследаванняў беларускай культуры, мовы і літаратуры НАН Вольга Папко выказала надзею на далейшае перспектыўнае супрацоўніцтва з расійскімі калегамі. "Цесныя сувязі паміж нашымі навукоўцамі існуюць і, спадзяюся, працягнуць развівацца", - сказала яна.

Тэкст з сайта: БелТА - Навіны Беларусі