Вядучы навуковы супрацоўнік аддзела нарадазнаўства Інстытута мастацтвазнаўства, этнаграфіі і фальклору імя Кандрата Крапівы Цэнтра даследаванняў беларускай культуры, мовы і літаратуры НАН Беларусі доктар гістарычных навук, дацэнт Л.М. Квілінкова прыняла ўдзел з 12 па 15 мая 2026 года ў сумесным пасяджэнні Прэзідыума Акадэміі навук Рэспублікі Башкартастан і Уфімскага навукова-даследчага цэнтра Расійскай акадэміі навук.

У рамках мерапрыемства, якое прайшло ва Уфе, яна выступіла з навуковым дакладам і прэзентацыяй сваёй манаграфіі «Башкиры в Беларуси: этнокультурная идентичность сквозь призму межэтнического взаимодействия».

13 мая адбылася сустрэча з Прэзідэнтам Акадэміі навук Рэспублікі Башкартастан К.Н. Рамазанавым, а таксама з выконваючай абавязкі дырэктара Інстытута башкірскай энцыклапедыі ДБНУ Акадэміі навук Рэспублікі Башкартастан Хасанавай Раніяй Хакім'янаўнай. У гэты самы дзень была арганізавана паездка ў сяло Батыка, якое лічыцца цэнтрам беларускай дыяспары ў Башкартастане. Удзельнікі наведалі мясцовы этнаграфічны музей, дзе азнаёміліся з культурнай спадчынай рэгіёна.

14 мая адбылося пашыранае пасяджэнне Прэзідыума Акадэміі навук Рэспублікі Башкартастан. У пасяджэнні прынялі ўдзел намеснік міністра гандлю і паслуг Рэспублікі Башкартастан К.Д. Клімін, кіраўнік Уфімскага федэральнага даследчага цэнтра РАН В.Б. Мартыненка, дырэктар Інстытута гісторыі, мовы і літаратуры УФДЦ РАН З.Я. Рахматуліна і іншыя прадстаўнікі навуковай супольнасці. У гэты самы дзень Л.М. Квілінкова дала інтэрв'ю тэлерадыёкампаніі «Башкартастан» (БСТ).