8 чэрвеня 2026 года, Мінск /Кар. БЕЛТА/. У Цэнтральнай навуковай бібліятэцы НАН Беларусі прэзентавалі манаграфію старшага навуковага супрацоўніка аддзела музычнага мастацтва і этнамузыкалогіі Інстытута мастацтвазнаўства, этнаграфіі і фальклору імя Кандрата Крапівы Цэнтра даследаванняў беларускай культуры, мовы і літаратуры НАН Беларусі кандыдата мастацтвазнаўства, дацэнта Аляксандра Капілава «Белорусское музыкально-исполнительское искусство конца XIX — начала ХХ века», перадае карэспандэнт БЕЛТА.

Кніга прысвечана малавядомым старонкам гісторыі музычнай культуры Беларусі. Паводле слоў супрацоўнікаў Цэнтра даследаванняў беларускай культуры, мовы і літаратуры НАН, да гэтага моманту сфера музычнага акадэмічнага мастацтва Беларусі не была ў фокусе ўвагі даследчыкаў. У выданні прадстаўлена галерэя творчых партрэтаў таленавітых беларускіх музыкантаў.

Тэкст з сайта: БелТА